दार्चुलामा आज बिहान भएको जिप दुर्घटनामा परी सात जनाको मृत्यु भएको छ । सोही दुर्घटनामा परी अन्य पाँच जना घाइते भएका प्रहरीले जानकारी दिएको छ ।
जिल्ला प्रहरी कार्यालयका प्रमुख डीएसपी प्रकाश दाहालका अनुसार शैल्यशिखर नगरपालिका -६ को बकजेबलामा म १ ज ३३८ नम्बरको जिप दुर्घटना भएको हो । मृतकको सनाखत हुन बाँकी रहेको दाहालले जानकारी दिए ।
घाइते पाँच जनाको उद्धार गरी गोकुलेश्वर अस्पताल पुगाइएको उनले बताए । मालिकार्जुन जात्राबाट गोकुलेश्वर गइरहेको जिप दुर्घटनामा परेको हो । जिपमा तिर्थालुहरू सवार थिए ।
