हालसम्म प्रतिनिधि सभा निर्वाचनमात्र लडेको राष्ट्रिय स्वतन्त्र पार्टी अन्ततः स्थानीय तह निर्वाचनमा होमिने भएको छ । रास्वपाले दैलेखको महाबु गाउँपालिका अध्यक्षका लागि हुन लागेको उपनिर्वाचनमा प्रकाश बुढालाई उम्मेदवार बनाएको छ ।
रास्वपा दैलेख जिल्ला उप सभापति समेत रहेका बुढालाई अध्यक्ष उम्मेदवार बनाएर चुनावी अभियानमा निस्किएको हो । दैलेख जेसिसको अध्यक्ष समेत रहेका बुढा कर्णालमा रक्तदाता अभियन्ताका रुपमा समेत सक्रिय छन् ।
यस्तै, दुल्लु नगरपालिका वडा नं. १३ मा हुने उपनिर्वाचनका लागि पार्टीका तर्फबाट रामबहादुर शाहीलाई उम्मेदवार बनाइएको रास्वपा दैलेखका सभापति बखत भण्डारीले बताए ।
