पाकिस्तानको दोस्रो ठूलो शहर लाहोरको वायु प्रदुषण उच्च भएपछि त्यहाँ लकडाउन गरिएको छ । लाहोर शहरको वायु गुणस्तर सूचक एक्यूआई एक हजार नाघेपछि स्थानीय प्रशासनले विद्यालय एक साताका लागि बन्द गरेको हो ।
त्यस्तै लाहोरको वायु प्रदुषण झन बढ्दै गएपछि कर्मचारीलाई घरबाटै काम गर्न निर्देश गरिएको छ । पञ्जाबका मूख्यमन्त्री मरियम अराङजेबले शहरलाई प्रदुषणले ढाकेको भन्दै बालबालिकालाई घरमै राख्न अनुरोध गरेका छन् ।
स्थानीय सरकारले घरका झ्याल ढोका लगाएर सुरक्षित बस्न सर्वसाधारणलाई आग्रह गरेको छ। मुख्यमन्त्री अराङजेबले भेइकल प्रदुषण कम गर्नका लागि कर्मचारीलाई घरबाटै काम गर्न पनि आग्रह गरेका छन् ।
प्रशासनले तीन पाङ्ग्रे अटो, निर्माणका कामलाई तत्काल निषेध गरेको छ । हानिकारक सूक्ष्म कणको स्तर खतरनाक तहमा पुगेपछि सरकारले कडाइ गर्न थालेको हो ।
लाहोर विश्वकै सबैभन्दा प्रदुषित शहर बनेको यो दोस्रो पटक हो । एक्यूआई अनुसार तीन सयको अंकलाई खतरनाक मानिएपनि लाहोरको एक्यूआइ एक हजार भन्दा माथि जानु अत्यन्तै गभ्भीर भएको मानिन्छ।
भारतको राजधानी नयाँ दिल्ली विश्वकै दोस्रो प्रदुषित शहर बनेको छ ।
