कपिलवस्तुको यशोधरा गाउँपालिकाको दुई छुट्टाछुट्टै स्थानबाट पाँच सय दरका आठ हजार नेपाली नोटसहित ३ जना पक्राउ परेका छन् ।
यशोधरा गाउँपालिका वडा नम्बर ७ मर्यादपुरस्थित आनन्द मदिरा पसलमा एक मजदुरले खुल्लाका लागि पाँच पाँच सयका नोट साटेपछि शंका लागेर प्रहरीले अनुसन्धान सुरु गरेको थियो ।
अनुसन्धानका क्रममा यशोधरा गाउँपालिका ७ मर्यादपुरस्थित आनन्द मदिरा पसलका संचालक ५८ वर्षीय मनोजकुमार चौधरी, यशोधरा ४ परसोहियाका त्रियोगि कलवारका ३८ वर्षीय छोरा मयाराम गुप्ता र उनकी श्रीमती ३६ वर्षीय उर्मिला गुप्ता पक्राउ परेका हुन ।
मर्यादपुरबाट नक्कली पाँच सयको आठ र परसोहियाबाट नक्कली पाँच सयको आठ गरी १६ वटा नोट बरामद गरिएको प्रहरी नायब उपरिक्षक हरिबहादुर ओलीले बताए । उनीहरुविरुद्ध अदालतबाट म्याद थप गरी अनुसन्धान भइरहेको उनले बताए ।
