ऋषिङकाे काहुँबाट दमौली जाँदै गरेको बा १३ च २४५६ नम्बरको महेन्द्रा बोलेरो जिप ऋषिङ गाउँपालिका-१ झापुटार नजिक आइतबार बिहान दुर्घटना भएको छ । जिप चिप्लिएर अनियंत्रित भएर नालीमा खस्दा ६ जना सामान्य घाइते भएको छन् ।
दुर्घटना भएको सवारी साधनबाट ठुलो परिमाणमा घरेलु मदिरा बरामद
दुर्घटना भएको सवारी साधनबाट ठुलो परिमाणमा घरेलु मदिरा आइतबार बिहान बरामद भएको छ ।
३० वटा ग्यालिनमा राखिएको चार सय लिटर घरेलु मदिरा बरामद गरिएको जिल्ला ट्राफिक प्रहरी प्रहरी कार्यालय तनहुँका प्रमुख सन्तोष पौडेलले जानकारी दिनुभयो । घरेलु मदिरा ल्याउने सवारी धनी पदम रानालाई नियन्त्रणमा लिई थप अनुसन्धान भईरहेको उहाँले जानकारी दिनुभयो । दुर्घटना भए पछि मदिरालाई दुर्घटना स्थल नजिककै जङ्गलमा लुकाई छिपाई राखेको अवस्थामा बरामद गरिएको प्रहरीले जनाएको छ ।
