२९ जेठ, तनहुँ । पछिल्लो समय पृथ्वी राजमार्गको पुर्वी खण्डमा कालोपत्रको काम भैरहेको छ । मुग्लिन–पोखरा सडक बिस्तार कार्य अन्र्तगत पूर्वी खण्डको ३३ किमि दूरीमा कालोपत्रको काम सम्पन्न भैसकेको छ । आँबुखैरेनीदेखि जामुनेसम्मको ४१ दशमलव ७ किलोमिटरमध्ये ३३ किमि दूरीमा कालोपत्र गरिएको हो ।
उक्त सडक खण्डमा २७ किमि चार लेन र ६ किमि दुई लेनको सडकमा कालोपत्र गरिएको पूर्वी खण्डका इन्जिनियर बिष्णु पाण्डेले जानकारी दिए । अहिले चापाघाट कन्टार क्षेत्रमा एकतर्फी कालोपत्रको काम भैरहेको छ । समयमै काम सम्पन्न गर्ने उदेश्यले आयोजनाले कामलाई तीब्रता दिएको हो ।
