५ वैशाख, काठमाडौं । नेपालले एसीसी प्रिमियर कप २०२४ मा साउदी अरबलाई ६ विकेटले पराजित गर्दै सेमिफाइनलमा पुगेको छ । ७४ रनको लक्ष्य पछ्याएको नेपालले ७.२ ओभरमा ४ विकेट गुमाउँदै पूरा गर्यो।
नेपालको जितमा गुलशन झा १९ बलमा २ चौका र २ छक्कासहित ३२ तथा कप्तान रोहित पौडेल ७ बलमा १ चौका र १ छक्कासहित १६ रनमा नट आउट रहे । आजकाे खेलमा गुलशन झा म्यान अफ द म्याच घाेषित भए।
नेपालले शुक्रबार समूह बी को उप-विजेतासँग सेमीफाइनल खेल्नेछ । प्रतियोगिताको विजेताले टी-२० एसिया कप र शीर्ष तीन टोलीले एसीसी इमर्जिङ टिम्स एसिया कप खेल्न पाउनेछन् ।
