१४ असार, तनहुँ ।
बन्दीपुरको पर्यटन क्षेत्रले विस्तारै गति लिएको छ । लामो समयको बन्दाबन्दी र काेरनाकाे कारणले प्रभावित बनको यहाँको पर्यटन क्षेत्र आन्तरिक पर्यटकको चहलपहल हुन थालेको छ। लकडाउन अघि स्वदेशी तथा विदेसी गरी दैनिक हजारौको संख्यामा पर्यटकहरु बन्दीपुर आउने गर्दथे । त्यतिखेर आन्तरिक र बाह्य पर्यटक भित्र्याउन होटेल व्यवसायीलाई हम्मेहम्मे पथ्र्याे तर अहिले पर्यटनको आगमन बढ्दै गएको छ । विसेषगरी भारतीय, चाइनीज, अमेरिकन लगायतका नागरिकहरु यहाँ घुम्नका लागि आउँछन् ।
विगतका दिन सम्झदै बन्दिपुर पर्यटन विकास समितिका पुर्व अध्यक्ष बैंस गुरुङ भन्छन् बिस्तारै लयमा फर्किएको छ । अझै पर्यटक सोचेजति आएका छ्रैनन् । ठुलो संख्यामा लगानी गरेर सुविधासम्पन्न होटल बनाएको भएपनि पर्यटक नआउँदा समस्या झेल्नुपरेको बताए । तर अहिले स्वदेशी र विदेशी पर्यटकको संख्यामा पनि वृद्धि आएको छ । अझै धेरै भन्दा धेरै पर्यटक भित्र्याउनको लागि यहाँको प्रचारप्रसारको खाँचो छ । एक पटक जो कसैलाई पनि बन्दीपुर जाउँ जाउँ भन्ने बनाउन अभियानै चलाउनुपर्ने अवस्था आएको छ, उनले भने । बन्दीपुरको परम्परागत कलात्मक घर, बजार क्षेत्रमा राखिएको मेटालिक पोल, बिच्छ्याईएको ढुंगा मात्र नभई अहिले फुलैफुलले बजार ढाकेको छ । त्यसलेनै पर्यटकलाई मोहित पार्ने गर्छ । पाहुना कुरेर बसिरहेका व्यवसायी पछिल्लो समय पर्यटकको चहलपहल बढेपछि उत्साहित भएका छन् तर पहिले पहिले जस्तो पर्यटक बास बसेका छैनन् । दिउँसो त्यहाँको मनोरम दृश्य नियाल्ने र साँझ परेपछि फर्कने गर्दछन् ।
बन्दीपुरलाई ‘पहाडकी रानी’ पनि भन्ने गरिन्छ । यहाँको प्राकृतिक सुन्दरताले गर्दा पर्यटकको मन लोभ्याउने गरेको हो । कुनै बेला होटलहरु मात्र नभै होमस्टेमा पनि बस्नको लागि ठाउँ पाउन मुस्किल पर्दथ्यो । पाहुना आएपछि यहाँको होटेल तथा होमेस्टेलेमात्र फाइदा लिन्थेनन् छिमेकी गाउँका स्थानीयलाईसमेत फाइदा पुग्थ्यो । होमस्टेमा आएका पाहुनालाई अर्गानिक परिकारहरु खुवाउनुथ्र्यो तर हामीले आफै उत्पादन गर्न भ्याउँदैनथ्यौ बन्दीपुर सामुदायिक होमस्टेकी अध्यक्ष दिलकुमारी राना बताउँछिन् । ‘छिमेकी गाउँमा उत्पादन भएका सागसव्जी, लोकल कुखुरा तथा कोदो होमस्टेमै खपत हुन्थ्यो कृषकले पनि बजार भाउ पाउँथे हामीलाई पनि सहज हुन्थ्यो,’ उनले भनिन् ।
बन्दीपुरमा नेवार, गुरुङ, ब्राहमणलगायतका बिभिन्न जातजातिको बसोबास रहेको छ । विभिन्न जातजातीको कला संस्कृति र परम्परागत घरहरुले यहाँ आउने पर्यटकलाई मोहित गराउँछ । फुर्सदको समयमा रिफ्रेस हुनको लागि पर्यटकले बन्दीपुरलाई रोज्ने गर्दछन् । पछिल्लो समय आन्तरिक पर्यटकको चहलपहल बढेको छ । यो समय बन्दीपुर घुम्नको लागि उपयुक्त समय हो । यतिखेर गर्मी छल्न बन्दीपुर जाने पर्यटक पनि बढ्दै गएका छन् ।
बन्दीपुर पर्यटकीय क्षेत्र भएकाले पनि गाउँपालिकाले पर्यटन प्रवद्र्धन गर्न पुर्बाधार निर्माणलाई प्राथमिकतामा राखेको छ । यहाँको पर्यटकीय क्षेत्र विकासका लागि गाउँपालिकाले पहल गर्ने अध्यक्ष सुरेन्द्र थापाले बताए । बन्दीपुरमा चीनको ग्रेटवालको जस्तै झल्को दिने मिनि ग्रेटवाल निर्माण भैरहेको छ । तर अहिले बजेट अभावले काम अलपत्र परेको छ । त्यस्तै केवलकार पनि निर्माणको अन्तिम चरणमा पुगेको छ । मिनि ग्रेटवाल र केवलकार निर्माण सम्पन्न भएपछि भने पर्यटकको संख्यामा वृद्धि हुने विश्वास गरिएको छ ।
