वैशाख १ तनहुँ ।
तनहुँ –१ को उपनिर्वाचनमा गोविन्दराज जोशी समुह र रास्वपाबीच चुनावी तालमेल भएको भन्ने समाचार निराधार भएको जोशी समुहले जनाएको छ । स्वास्वपासँग वार्ता तथा संवाद नभएको जनाईएको छ । जोशी समुहका वार्ता समितिका संयोजक हरिशरण पण्डितले रास्वपालाई सघाउने भन्ने कुरा निराधार भएको बताए ।
जोशीका पुत्र दीपकराज जोशी र उम्मेदवार गोविन्द भट्टराईबीच आज भएको संवादमा त्यस्तो सहकार्य नभएको जनाईएको छ । ‘हाम्रो समुह तठस्थ छ कसैलाई पनि समर्थन गरेका छैनौं’ जोशीले भने । सामाजिक सञ्जालमा आएका रास्वपाका उम्मेदवारलाई सघाउने भन्ने कुरा सबै निराधार भएको जोशीको भनाइ छ ।
पूर्व सहमहामन्त्री गोविन्दराज जोशीले आफूले कसैलाई पनि सहयोग गर्ने नभनेको बताए। पार्टीसँगै मिल्ने हाम्रो चाहाना हो, लिखित रुपमा सहमती गर्नुपर्ने र पार्टीको बैठकबाटै निर्णय भएर आउनु पर्छ भन्ने माग हाम्रो हो, पूर्व सहमहामन्त्री जोशीले भने। जोशीसमुहलाई पार्टी ल्याउने काम भईरहेको र पुनः वार्ताको कार्य अघि बढ्ने नेपाली कांग्रेसका महामन्त्री विश्वप्रकाश शर्माले बताए। जोशी समुहको माग पुरा गर्न हामी सकरात्मक छौं पार्टीलाई एकतामा बाध्ने प्रयास भईरहेको छ ।
चुनावको मिति नजिकिएकोले दुई, तीन दिन भित्रै एकता ल्याउने प्रयास भईरहेको छ । गोविन्दराज जोशीलाई २०४८ साल देखिको सबै निर्वाचनमा सहयोग गरेकोले आफूप्रति सहानुभूति भएको पाएको उम्मेदवार गोविन्द भट्टराईले बताए । २०६४ सालको निर्वाचनमा समेत ज्यान जोखिमको प्रवाह नगरीकन चुनावी अभियानमा म होमिएको थिएँ त्यसकारणले गर्दा पनि म प्रति जोशी समुहको सहानुभूति छ, भट्टराईले भने ।
