काठमाडौं, ३१ असाेज ।
नेपाली कांग्रेसका केन्द्रीय सदस्य प्रदीप पौडेलले काठमाडौं–५ मा चुनावी प्रचारप्रसारलाई तीव्रता दिँदै गएका छन् । आगामी ४ मंसिरमा हुने निर्वाचनका लागि पौडेलले मतदाताकाे घरमा घरदैलो गरिरहेका छन् ।
पार्टीले प्रतिनिधिसभा सदस्यका लागि उम्मेदवारका रुपमा अघि सारेपछि पौडेल मतदाता रिझाउन घरदैलोलाई तीव्रता दिएका छन् । उनको दैनिकी अहिले घरदैलो गर्दै मतदाता भेट्दै आफ्नो पक्षमा जनमत बटुल्न लागेका हुन् । घरदैलो अभियानका क्रममा सोमबार उनले काठमाडौं महानगरपालिका–४ मा पर्नेे रिङरोड बाहिरको क्षेत्रमा घरदैलो गरेका छन् ।
उनी देउवा गायक नन्दकृष्ण जोशीलाई साथमा लिएर उक्त क्षेत्रमा मतदाता भेटघाट गर्दै हिँडेका छन् ।
२४ असोजदेखि काठमाडौं महानगरपालिका–५ हाँडीगाउँबाट मतदाता भेट्घाट सुरु गरेका उनले अहिले पनि निरन्तरता दिइरहेको बताए । काठमाडौं महानगरपालिकाका २, ३, ४ र ५, बूढानीलकण्ठ नगरपालिकाका ३, ४, ५, ६, ७ र टोखा नगरपालिकाका २, ३, ४, ५, ६, ७ नम्बर वडाहरुको भूगोल समेटेर काठमाडौं–५ निर्धारण गरिएको छ ।
