पोखरा, २२ साउन ।
नेपाल निजामती कर्मचारी युनियन कास्कीको नवौं जिल्ला अधिवेशन साउन २२ र २३ गते पोखरामा सम्पन्न हुँदै छ । अधिवेशनको तयारीमा युनियन कास्की तातेको छ । गण्डकी प्रदेशका मुख्यमन्त्री सुरेन्द्र पाण्डेले उद्घाटन गर्ने अधिवेशनले नयाँ कार्यसमिति समेत चयन गर्नेछ । अधिवेशनको मिति नजिकिदै गर्दा युनियन कास्कीको अबको नेतृत्व को भन्ने विषयमा समेत चर्चा सरु भएको छ ।
नेतृत्वका आकांक्षी मध्येका एक युनियनका गण्डकी प्रदेश कार्यसमितिका पूर्व सचिव विनोद रेग्मीको क्रियाशीलता निकै लोभलाग्दो देखिएको छ l स्याङ्जा पुतलीबजारका रेग्मी २०७० सालमा निजामति सेवा प्रवेश गरेका हुन् ।यस अघि म्याग्दी जिल्लावाट युनियनको केन्द्रिय प्रतिनिधि, मुस्ताङ जिल्ला कार्यसमितिको सह-सचिव र गण्डकी प्रदेश कार्यसमितिका सचिव समेत रहेर कुशल कार्यसम्पादन गरिसकेका रेग्मी कर्मचारी वर्गमा इमान्दार र अनुशासित छवि कारणले लोकप्रीय छन् ।
आजको समय सुहाउँदो ट्रेड युनियन आन्दोलनका लागी आवश्यक सबै गुणहरु भएको परिपक्क नेतृत्व रेग्मीमा रहेको अधिकांस युनियनमा आवद्ध कर्मचारीहरुको विश्लेषण रहेको छ । रेग्मीलाई अग्रज युनियनकर्मीहरुले समेत दरिलो साथ दिएका छन् l हाल व्यवसायिक सिप विकास तथा तालिम केन्द्र पोखरामा लेखा अधिकृत छैटौ पदमा सेवारत उमेदवारी सगै युनियन कास्कीमा युवा, अनुभवी, इमान्दार र अनुशासित नेतृत्व चयन हुनेमा विश्वस्त हुन सकिने आधारहरु देखिएका छन् ।
युनियन कास्कीको नेतृत्वमा उमेदवारीको तयारी संगै रेग्मीले आगमी ३ वर्षे कार्यकालका लागि बिभिन्न प्रतिबद्दताहरु समेत सार्वजनिक गरेका छन्।
ट्रेड युनियन आन्दोलन प्रति हाल देखिएको निराशाजनक अवस्थालाई आशा तथा उत्साह सहित पनार्जाग्रीत गरी नेपाल निजामति कर्मचारी युनियनलाई पेसागत हक,हित र सुरक्षाको लागी लड्ने भरपर्दो संस्थाको रुपमा बिकास गर्न अधिकतम प्रयास गर्ने तथा संघ, प्रदेश र स्थानिय तहमा कार्यरत कर्मचारीहरुको विचमा विभेदरहित अन्तरसम्वन्ध कायम गर्दै समन्वय र सहकार्यको लागी पुलको रुपमा कार्य गर्ने उनले प्रतिबद्दता जनाएका छन् ।
त्यस्तै आम कर्मचारीहरुबीच भाईचारा अबिबृद्दी गर्दै ज्ञान,सिप,दक्षता र अनुभव साटासाट गर्ने वातावरणको सहजीकरण गर्ने र संघीय निजामति विधेयकमा सम्पूर्ण कर्मचारीको हित ट्रेड युनियन अधिकारको सुनिस्चितता गर्दै छिटो भन्दा छिटो संसदबाट पास गर्नको लागी रचानात्मक सहयोग गर्ने लगायतका उनका प्रतिबद्दताहरु छन् ।
एक जिम्मेवार नागरिक , रास्ट्रसेवक कर्मचारी र क्रियाशील युनियनकर्मी हुनुको नाताले मुलक र रास्ट्रप्रति समेत प्रतिबद्द हुनुपर्ने भन्दै रेग्मीले मुलुक र रास्त्रप्रती समेत आफ्ना प्रतिबद्दताहरु समेत प्रस्तुत गरेका छन् ।
