विष सेवन गरेर अचेत अवस्थामा भेटिएका बागमती प्रदेशका सहकारी तथा गरिबी निवारणमन्त्री मदुकुमार श्रेष्ठका स्वकीय सचिव रवि थापाको मृत्यु भएको छ।
उनी सोमबार काठमाडौँको कलंकीस्थित साथीको कोठामा अचेत भेटिएका थिए। अचेत भेटिएका उनलाई उद्धार गरी कलंकीस्थित सहिद मेमोरियल अस्पतालमा लगिएकोमा उपचारको क्रममा मृत्यु भएको हो।
थापाको केही दिनअघि पैसा बार्गेनिङ गरेको अडियो सार्वजनिक भएको थियो। सुमेरु सहकारीका पूर्वसचिवसमेत रहेका विनोद आचार्यसँग सहकारीको समस्या मिलाइदिने भन्दै १० लाख बार्गेनिङ गरेको अडियो बाहिरिएपछि उनले विषय सेवन गरेको बताइएको छ।
जिल्ला प्रहरी परिरसर काठमाडौँका प्रवक्ता अपिलराज बोहोराले सुसाइड नोट लेखेर उनले विष सेवन गरेको दिएको बताए। उनले सुसाइड नोटमा आर्थिक कारोबारको बारेमा लेखिएको जानकारी दिए।
बोहोराकाअनुसार थापाकाे शवलाई पोष्टमार्टम गरिँदै छ।
