मुग्लिन पोखरा सडक खण्ड अन्तरगत आँबुखैरेनी गाउँपालिका नजिकै बस दुर्घटना हुँदा ११ जना घाइते भएका छन् ।
मुग्लिनबाट पोखरा जाँदै गरेको ग १ ख ९४०२ नम्बरको बस आँबुखैरेनी २ र ३ नम्बर वडामा रहेको खहरेखोलामा खस्दा ११ जना घाइते भएको जिल्ला प्रहरी कार्यालय तनहुँले जनाएको छ ।
घाईतेको आँबुखैरेनी अस्पतालमा उपचार भईरहेको तनहुँ प्रहरीका प्रहरी नायब उपरीक्षक दीपक रायले जानकारी दिए । घाइतेको अवस्था सामान्य रहेको रायले बताए ।
