बैतडीमा जबजस्तीकरणी आरोपमा एक स्वास्थ्यकर्मी पक्राउ परेका छन् ।
जिल्लाको सिगास गाउँपालिका-२ बस्ने धामी थरका स्वास्थ्यकर्मी बलात्कारको आरोपमा पक्राउ परेको जिल्ला प्रहरी कार्यालय बैतडीका प्रहरी नायब उपरीक्षक (डिएसपी) दिपक गिरीले जानकारी दिए ।
बुधबार ३१ वर्षीया एक महिलाले धामीले आफूमाथि बलात्कार गरेको भनी दिएको जाहेरीका आधारमा उनलाई बुधबार साँझ पक्राउ गरिएको गिरीले बताए ।
सिगास गाउँपालिका अन्तर्गत रहेर स्वास्थ्य संस्थामा काम गर्ने धामीलाई पक्राउ गरिएको हो। पक्राउ परेका धामीलाई इलाका प्रहरी कार्यालय पाटनमा राखेर अनुसन्धान भइरहेको प्रहरीले जनाएको छ ।
महिलाले केही दिन पहिले पनि स्वास्थ्यकर्मी धामीले आफूमाथि हातपात गरेको भन्दै प्रहरीमा जाहेरी दिएकी थिइन् । स्थानीय र जनप्रतिनिधीहरुले सो विषय मिलाएका थिए ।
