तनुहँको आँबुखैरेनी नजिक मर्स्याङ्दी नदीमा बस खसेर दुर्घटना भएको छ। केहीबेर अघि भएको दुर्घटनाबारे पूरा विवरण प्राप्त हुन बाँकी छ।
जिल्ला प्रहरी कार्यालय तनहुँका डिएसपी दीपककुमार रायका अनुसार बस खसेको खबर पाउनासाथ उक्त क्षेत्रमा सुरक्षाकर्मीहरू उद्धारका लागि जाँदै गरेका छन्।
असार २८ गते पनि चितवनको सिमलताल पहिरोमा परी त्रिशूलीमा दुईवटा बस र यात्रु बेपत्ता भएका थिए। बसमा सवार ६५ जनामध्ये तीनजना सकुशल निस्किएका थिए भने ६२ जना बेपत्ता भएका थिए। त्यसमध्ये केही यात्रुहरू र बस हालसम्म पनि भेटिएका छैनन्।
