ट्रकको ठक्करबाट रूपन्देहीमा पैदल यात्रुको मृत्यु

ट्रकको ठक्करबाट रूपन्देहीको मायादेवी गाउँपालिका–६ बालुवादिपुरमा पैदलयात्रीको मृत्यु भएको छ । प्रहरीका अनुसार मायादेवी गाउँपालिका–६ का ३५ वर्षीय गोरख बेल्दारको मृत्यु भएको हो । लु २ ख ६७६ नम्बरको मालबहाक ट्रकको ठक्करबाट गम्भीर घाइते भएका बेल्दारको उपचारका क्रममा बुधबार राति मृत्यु भएको हो । ट्रक चालकलाई प्रहरीले नियन्त्रणमा लिएको छ ।