जिप सडकदेखि तल खस्दा यात्रुको मृत्यु

अन्नपूर्ण गाउँपालिका-७ हिस्तानमा रोकिराखेको ग १ज ७९४५ नम्बरको यात्रुवाहक जिप सडकदेखि ५० मिटर तल खस्दा ६४ वर्षीय भीमबहादुर पुनको मृत्यु भएको छ ।

दुर्घटनामा घाइते पुनको बेनी अस्पतालमा उपचारका क्रममा बुधबार मध्याह्न पाैने १ बजे मृत्यु भएको जिल्ला प्रहरी कार्यालयले जनाएको छ । दुर्घटनामा चालक केशर पुनका साथै यात्रु कुमार पुन र वीर पुन घाइते भएका छन् ।

घाइतेको अवस्था सामान्य रहेको बेनी अस्पतालले जनाएको छ । हिस्तानबाट सदरमुकाम बेनी जान रोकिराखेको जिप यात्रु चढाउने क्रममा भिरालो सडकमा पछाडि गुडेर दुर्घटनामा परेको हो ।