प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीलाई नेपाल भ्रमणको निम्तो दिएका छन् ।
नेपालको औपचारिक दुईदिने भ्रमणमा आएका भारतीय विदेश सचिव विक्रम मिस्रीले गरेको शिष्टाचार भेटवार्ताका क्रममा प्रधानमन्त्री ओलीले उनीमार्फत भारतका प्रधानमन्त्री मोदीलाई नेपाल भ्रमणको निम्तो दिएका हुन् ।
चौथो कार्यकालका लागि प्रधानमन्त्रीमा नियुक्त ओलीलाई हालसम्म भारत भ्रमणको निम्तो आएको छैन । मोदी तेस्रो कार्यकालका लागि सत्तामा आएपछि ओलीले पहिलो पटक उनलाई नेपाल भ्रमणको निम्तो दिएका हुन् ।
