पोखरा,१८ साउन ।
नेपाल इन्जिनियर्स एशोसिएसन गण्डकी प्रदेशको निर्वाचनमा नेकपा एमाले, नेकपा माओवादी केन्द्र र नेकपा एकीकृत समाजवादी निकटका इन्जिनियरले संयुक्त प्यानल बनाएर उम्मेदवारी दर्ता गराएका छन्।
शुक्रबार निर्वाचन अधिकृतको कार्यालयमा तिन दल निकट इन्जिनियरहरुले संयुक्त उम्मेदवारी दर्ता गराएका हुन् ।
प्रोग्रेसिभ इन्जिनियर्स एसोसिएसन नेपाल (पिन), नेपाल राष्ट्रिय इन्जिनियर संगठन (नियोन) र समाजवादी इन्जिनियरिङ एसोसिएसन (सिन) नेपालको तर्फबाट केन्द्रिय सदस्यमा राम चन्द्र पोखरेलको उम्मेदवारी दर्ता भएको छ ।
त्यस्तै प्रदेश सभापतिमा महेन्द्रबहादुर गोदार, उपसभापतिमा कृष्ण रिजाल, सचिवमा आनन्द भट्टराई, सहसचिवमा अस्मिता खनाल र कोषाध्यक्षमा सोभित श्रेष्ठले उम्मेदवारी दर्ता गराए ।
सदस्यमा मनोजकुमार सिंह, पदमलाल अधिकारी, सुवास शर्मा, सन्जय सुवेदी, कालीदास सापकोटा,प्रदिप अर्याल, विवेक भट्टराई, ईश्वर भण्डारी, सन्जय लामिछाने र सुदर्शन ढकालको उम्मेदवारी परेको छ ।
उमेदवारी दर्ता पश्चात बोल्दै आम इन्जिनियरहरुको पेशागत हकहिको संरक्षण गर्दै नेपाल इन्जिनियर्स एशोसियसनको साख उचो राख्नको लागी प्रगतिशील इन्जिनियरहरुको संयुक्त प्यानलको आवश्यकता परेको र सम्पूर्ण इन्जिनियर साथीहरु अत्याधिक मतका साथ विजय गराउनुहुने बिश्वास सभापति पदका उमेदवार महेन्द्र गोदारले गर्नुभयो ।
नेपाल इन्जिनियर्स एशोसियसन को ३४ औँ केन्द्रिय कार्यसमिति र तेश्रो प्रदेश कार्यसमितिको निर्वाचन आउदो भाद्र २८ गते सम्पन्न हुँदैछ ।
गण्डकी प्रदेशमा जम्मा पन्ध्र सय एकाउन्न मतदाता रहेको जनाकारी सचिब पदका उमेदवार आनन्द भट्टराईले दिनुभयो ।
