काठमाडौं । घरेलु टोली नेपालले आइसिसी ट्वान्टी २० विश्वकप एसिया छनोटको पहिलो खेलमा सोमबार सिंगापुरको सामना गर्दैछ ।
समूह ‘ए’ अन्तर्गतको खेल बिहान ९ बजे कीर्तिपुरस्थित त्रिभुवन विश्वविद्यालयको क्रिकेट मैदानमा हुनेछ ।
घरेलु मैदानको फाइदा उठाउँदै सन् २०१४ पछि विश्वकप खेल्ने लक्ष्यमा रहेको नेपाल सिंगापुरलाई हराउँदै सुखद सुरुआत गर्न चाहन्छ । यता, सिंगापुर पनि नेपाललाई स्तब्ध बनाउँदै छनोटमा विजयी सुरुआत गर्ने सोचमा छ ।
नेपाली राष्ट्रिय क्रिकेट टोलीका प्रशिक्षक मोन्टी देसाइ टोलीको लक्ष्य ट्वान्टी-२० विश्वकपमा छनोट हुनु रहेको बताउँ छन् ।
‘अहिले हामी विश्वकप छनोटमा केन्द्रित छौं । अस्ति के भयो त्यसमा ध्यान दिन्नौ । सन्दीप लामिछानेको आगमनले उत्साह थपिएको छ । सबै फ्रेस छन्। खेलाडीले खेल बाहेक पनि अतिरिक्त धेरै सिकेका छन्,’ देसाइले भने ,‘ट्वान्टी २० फास्ट खेल हो । यसमा जे पनि हुन सक्छ भन्ने हामीलाई थाहा छ । सबैले आफ्नो भुमिकाको बारेमा बुझेका छन् । घरेलु दर्शककासामू टोलीलाई विश्वपकमा छनोट गाउने प्रेसर छ । तर हामी तयार छौं । भोलि राम्रो प्रदर्शन गर्ने छौं । सबैको लक्ष्य विश्वकपमा छनोट हुने हो ।’
लेग स्पिनर सन्दीप लामाछानेको आगामने टोलीको प्रदर्शनमा केही सुघार आउने अपेक्षा गरिएको छ । उनले व्यक्तिगत कारणले त्रिकोणात्मक शृंखला खेलेका थिएनन् ।
यसैगरी कप्तान रोहितकुमार पौडेल जसरी पनि ट्वान्टी २० विश्वकपमा छनोट हुनुपर्ने घारणा राख्छन् ।
‘हामीले पछिल्ला ६/७ महिनामा राम्रो गरिरहेका छौं । त्रिकोणात्मक शृंखलाको फाइनल सोचे जस्तो हुन सकेन । पहिलाको कुरा बिर्सेर अगाडि बढ्ने छौं । सबै जना उत्साहित छौं । हामी अबका खेल आफ्नो नियन्त्रणमा राख्ने प्रयास गर्नेछौं । ट्वान्टी २० मा जे पनि हुन सक्छ । सन्दीपको आगमनले केही सहज भएको छ । सन् २०१४ को फिल आइरहेको छ । सबै जानले आफ्नो शतप्रतिशत दिने प्रयास गर्नेछौं । हाम्रो सोच जसरी पनि विश्वकपका छनोट हुनुपर्छ भन्ने छ ।’
एस्तो छ खेल तालिका:-
