१६ साउन, काठमाडौ । गायिका कला लम्सालको तीज गित ‘चरी भरर’ सार्वजनिक भएको छ । तीजको अवसर पारेर ल्याइएको गित सोमबार बिहान गायिका लम्सालले सार्वजनिक गरेकी हुन् । पछिल्लो समय तीजका गितमा मौलिक कला सस्कृति झल्किनु भन्दा पस्चिमेली सस्कृतिको सिको गर्दै जाँदा यथार्थ परक हुन नसकेको टीका टिप्पणी हुँदै आएको छ । तर गायिका लम्सालले भने परम्परागत भेषभुषामा सजिएर मौलिक कला, सस्कृतिलाई समेट्नुका साथै चेलिबेटीको यथार्थ चित्रणलाई गितमा समेटेकि छन् ।उनले सोमबार बिहान ८ बजे गित सार्वजनिक गरिएको बताइन् । यो गितमा चेलिबेटीले व्यहोर्नु परेको अवस्थाको यथार्थ चित्रण गरिएको छ । ‘यसले आम स्रोताको मन जित्ने विश्वास गरेको छु,’ उनले भनिन् । लम्सालले गित सार्वजनिक भएपछि सुनेर प्रतिक्रिया दिनको लागि अनुरोध गरेकी छिन् ।
सार्वजनिक गरिएको तीज गितमा प्रकाश पराजुलीको शव्द संगीत रहेको छ भने नृत्य नारायणी खत्री, जुनु एसडी र कला लम्सालको रहेको छ । अभिनय भने ओभि रायमाझी र कला लम्सालको रहेको छ । त्यस्तै निर्देशन भने काजीस श्रेष्ठले गरेका छन् । हरेक वर्ष मौलिक तीज गित गर्ने गायिका लम्साल यस वर्ष पनि स्रोताहरुको लागि तीजको कोशेली लिएर आएकी हुन् । अहिलेको परिपेक्षमा तीजको भावहरु समेटिएको गितहरु अत्यन्त न्युन संख्यामा आइरहेको बेलामा तीज गीत नै निकाल्नु कलाको विशेषता मानिएको छ ।
