२९ जेठ, तनहुँ ।
भानु नगरपालिका १३ निवासी क्यान्सर पीडित जमुना गुरुङलाई तनहुँ समाज हङकङले तीन लाख ७५ हजार रुपैया आर्थिक सहयोग गरेको छ । सोमबार दमौलीमा हङकङ समाज तनहुँका पुर्ब अध्यक्षहरु भिम बहादुर गुरुङ र जङ्ग बहादुर थापाले क्यान्सर पीडित गुरुङलाई संयुक्त रुपमा नगद हस्तान्तरण गरेका हुन् । उपचारमा सहयोग पुगोस् भन्ने उदेश्यले केही रकम क्यान्सर पीडित गुरुङलाई सहयोग गरेको पुर्ब अध्यक्ष भिम बहादुर गुरुङले बताए । थोरै भएपनि उपचारमा सहयोग पुगोस् भनेर सहयोग गरेका हौ, उनले भने । आर्थिक सहयोग प्राप्त गरेपछि क्यान्सर पीडित गुरुङले खुशी ब्यक्त गर्दै हङकङ समाज तनहुँलाई धन्यवाद दिइन् ।
गुरुङलाई एक बर्ष अघि देखि ब्लड क्यान्सर भएको थियोे । समाजले सुरुमा २०७० मा छाब्दी बाराही मन्दिर र ढोरबाराही मन्दिरलाई १/१ थान घण्टी उपलब्ध गराएको थियो । त्यसपछि भुकम्पको समयमा पनि पटक पट्क गरि तीन लाख ५० हजार रुपैया सहयोग गरेको छ । त्यस्तै २४ ओटा विद्यालयलाई जस्ता पाता र नगद सहयोग गरेको पुर्ब अध्यक्ष गुरुङले बताए । हङकङ समाजले पत्रकार महासङ्गको भबन निर्माणमा समेत ७० हजार र भानु पुस्तकालयलाई ५ लाख सहयोग गरिसकेको छ । समाजले यस अघि मृगौला पीडित ८ जना र मुटु रोगी १ जनालाई पनि सहयोग हस्तान्तरण गरेको छ । त्यस्तै युवा पत्रकारिता पुरस्कारबाट जिल्लाका ७ जना पत्रकारसमेत पुरस्कृत भै सकेका छन् ।
हङकङ समाज तनहुँले आर्थिक अवस्था कमजोर भै उपचारमा समस्या भएकाहरुलाई सहयोग गर्दै आएको पुर्ब अध्यक्ष जङ्ग बहादुर थापाले बताए । हङकङमा बसेका नेपालीहरुबाट संकलन गरिएको रकमबाट नेपालमा सामाजिक कार्यमा सहयोग गर्दै आएका हौ, उनले भने । हङकङ समाज तनहुँले गरेको कार्य उदाहरणीय रहेकोे पत्रकार महासङ्ग तनहुँका पुर्ब अध्यक्ष प्रदीप काफ्लेले बताए ।
