बलिउड अभिनेता आमिर खान नेपाल आएका छन् । आइतबार बिहान १० बजे भिस्तारा एयरलाइन्सको विमानबाट खान काठमाडौं आइपुगेको बताइन्छ ।
आमिर खान बुढानीलकण्ठस्थित विपश्यना ध्यान केन्द्रमा ध्यान गर्न र कार्यक्रममा सहभागी हुन नेपाल आएको खबर छ । उनी झण्डै दुई हप्ता नेपाल बस्नेछन् । आमिर खानको यो दोश्रो नेपाल भ्रमण हो । यस अगाडी उनी सन् २०१४ मा राष्ट्रसंघीय नियोग युनिसेफको दूतको रुपमा काठमाडौं आएका थिए । आमिर अभिनित पछिल्लो फिल्म लाल सिंह चड्डा असफल भयो ।
