गत वैशाखमा भएको स्थानीय निर्वाचनमा पोखरा महानगर–१८ को वडाध्यक्षको मत पुन गणना गर्न उच्च अदालतले अादेश दिएकाे छ ।अदालतले उक्त वडाको मत गणना गर्न आदेश दिएको उच्च अदालत पाेखराका रजिष्टार श्रीलाल पौडेलले जानकारी दिए।
निर्वाचनमा पश्चात मतगणना हुदां ३ मतले पराजित भएपछि एमालेका उम्मेदवार पुष्कल थापाले पुन: मतगणना माग गर्दै जेठ १८ गते अदालतमा निवेदन दिएका थिए।उक्त रिट निवेदनमा सुनुवाइ गर्दै अदालतका कायममुकायम मुख्यन्यायाधीश डिल्लीराज आचार्य र न्यायाधीश ऋषिराज भण्डारीको संयुक्त इजलासले मंगलबार उक्त आदेश दिएको हो।
निर्वाचन आयोगले उक्त वडामा नेपाली कांग्रेसका उम्मेदवार शिवप्रसाद तिमल्सिनाले १६४३ मत पाएर विजयी भएको घोषणा गरेको थियो। आफू ९ मतान्तरले विजयी भएको भन्दै पुन: मतगणनाको माग गर्दै उच्च अदालतमा निवेदन दिएका थिए । उनका प्रतिस्पर्धी एमालेका थापाले १६४० मत पाएका थिए।
