तनहूँ ।
आँबुखैरेनी गाउँपालिका कार्यालयले सामुदायिक विद्यालयमा अध्ययनरत छात्रालाई आत्मरक्षा तालिम प्रदान गरेको छ । सुतुकान कराँतेका मुख्य प्रशिक्षक जेबी रानाले गाउँपालिका भित्र संचालित सामुदायिक विद्यालयमा पुगेर छात्राका लागि तालिम दिन शुरु गरेका हुन् । पहिलो चरणमा छात्राको घनत्व भएका विद्यालयलाई प्राथामिकता दिएर प्रशिक्षण दिन थालिएको गाउँपालिकाले जनाएको छ ।
यस आर्थिक बर्षका लागि गाउँपालिकाले पाँच लाख बजेट बिनियोजन गरी आँबुखैरेनीको रामशाह माध्यमिक विद्यालयबाट तालिम शुरु गरिएको अध्यक्ष शुक्र चुमानले जानकारी दिए ।
समाजमा पछिल्लो समय अपराधिक क्रियाकलापका साथै बलात्कारका घट्ना बढ्दै जान थालेपछि आफ्नो जीवन रक्षाको लागि छात्रालाई सक्षम बनाउन आत्मरक्षक तालिम आवश्यक देखिएको उनले बताए । उक्त बजेटले पुगेसम्म विद्यालयमा पुगेर छात्रालाई तालिम प्रदान गरिने छ, उनले भने ।
