तनहुँ ५ फागुन।
शिवरात्रीमा मुत्तिनाथ च्यवनधाममा भजन प्रतियोगिता हुने भएको छ । फागुन कृष्ण चतुर्दशीका दिन मनाइने महाशिवरात्रि पर्वको अवसरमा तनहुँको धार्मिक स्थल मुक्तिनाथ शुक्लागण्डकी च्यवनधाम गाछेपानीमा भजन प्रतियोगिता हुने भएको हो । भजनको संरक्षण र प्रर्वद्धन गर्ने उदेस्यले प्रतियोगिताको आयोजना गरिएको मन्दिर व्यवस्थापन समितिका अध्यक्ष अर्जुन लम्सालले जानकारी दिए । भजन प्रतियोगितामा प्रथम हुनेले ५१ हजार, द्धितीय हुनेले ३६ हजार, तृतीय हुनेले २१ हजार र सान्त्वना हुनेले ५ हजार एक सय रुपैयाको साथमा प्रमाण पत्र प्राप्त गर्नेछन् ।
महाशिवरात्रि पर्वको अवसरमा सामुहिक ब्रतबन्ध, अखण्ड दिप प्रज्वलन, शिवध्वनी पुजन र विविध धार्मीक अनुष्ठान कार्यक्रम हुने भएको छ । साथै सोहि दिन वरिष्ट लोकदोहोरी तथा भजन गायक पुरुषेत्तम न्यौपाने र लोकदोहोरी गायिका शान्ति डोटेलको संगितिक प्रस्तुति रहनेछ । भक्तजनहरुका लागि धार्मिक स्थलको रुपमा विकास भएको च्यवनधाम परिसरमा १०८ धार, १०८ शिबलिङ्ग, १०८ वर पिपल, च्यवन गुम्बा, मोक्ष कुण्ड, वासुकी नाग स्थान लगायतका संरचनाहरु रहेको छ ।
