गाउँकै बारि खन्छु बरु बिदेश जानु भन्दा,
बाझै बारि खनेपछी फल्छन काउली बन्दा,
सरकारले’नी सहुलियतमा दिएकैछ रिन,
भैंसी बाख्रा पालम्ला’नी बिदेश जानी किन?
म त किसानी,
किन बेच्नी पसिना,किन बिदेस जानी?
दुखै गरि खानी बरु दुखै गरि खानी!!!!
लोक दोहोरी गायक शंकर पन्तको “किशानी” नामक गत सार्वजनिक भएको छ । पन्तले आफ्नै लय र शब्दमा सुनिता बुढा क्षेत्रीलाई आवाजमा साथ लिएर सो गीत सार्वजनिक गरेका हुन् ।
‘म त हजुर गाम्ले’ बोलको गीतमा गाउले किसानका दुख सुख प्रस्तुत गरेर चर्चा कमाएका पन्तले ‘किशानी’ गीतमा देशमै बसेर परिश्रम गर्नुपर्छ भन्ने संदेश गित मार्फत दिएका छन्l गीतमा गायक पन्त, अनु पराजुली र अन्य स्थानीय कलाकारहरुको अभिनय देख्न पाइन्छ ।गितको तनहुँको आबुँखरैनी, शुक्लागण्डकी लगायतको स्थानमा छयांकन गरिएको छ । जिरी भण्डारीद्धारा निर्देशित उक्त गीतमा समग्र कृषिको सम्भावना र अवसरलाई कलात्मक ढंगले प्रस्तुत गरिएको छ ।
२०६८ साल देखी निरन्तर नेपाली गीत संगीतको क्षेत्रमा लागेका गायक पन्तको यसअघि म त हजुर गाम्ले, तनहुँ जामुने, पृथ्वीनै हल्लिएको हो लगायतका गीत बजारमा आइसकेका छन् ।
आबुँखरैनी गाउँपालिकाको आर्थिक सहयोग समेत रहेको उक्त गीत लायन्स क्लब अफ शुक्लागण्डकीले आबुखैरेनीमा एक कार्यक्रमका बीच विमोचन गरेको हो ।
पछिल्लो समय संदेशमुलक र जनतालाई परिश्रम गर्न प्रेरित गर्ने लोक लयका गीतहरुको गीतहरुको खडेरी लागेको बेलामा पन्तको यो गीतले अर्थपूर्ण चर्चा पाउने आशा गरिएको छ। चर्चा पाउँ र ट्रेन्डीङ्मा आउँन भन्दा समाज र युवाहरुलाई केहि शिक्षा र संदेश दिनको लागी यो गित तयार पारेको पन्त बताउछन ।
