तनहुँ १७ मसिर ।
म्याग्दे गाँउपालिकाले प्रथम चौमासिक शुक्रवार सार्वजनिक सुनुवाई कार्यक्रम सम्पन्न गरेकाे छ । म्याग्दे ५ को वडा कार्यलय थाङदीमा सार्वजनिक सुनुवाइ कार्यक्रममा गाउपालिकाका अध्यक्ष श्रीप्रसाद श्रेष्ठले काम गर्दा गर्दे जनताको अपेक्षा अनुरुप काम कारवाही नभएको भन्दै त्यसलाई अागामी दिनमा सुधार गर्दै लैजाने बताए ।
कार्यक्रममा उपाध्यक्ष वालकृष्ण घिमिरे, प्रमुख प्रशाशकिय अधिकृत नारायण प्रसाद अधिकारी, वडाध्यक्ष, कार्यपालिका सदस्य, वडासदस्य, स्थानिय समाजसेवी, वुद्धिजीवि, सरोकारवाला, टोल अध्यक्ष लगायतको उपस्थिती रहेको थियो ।
गाँउपालिकाले श्रावण देखि कार्तिक महिनासम्म गरेको कामको वारेमा जानकारी र नागरिकको गुनासो तथा सुझाव लिनका लागी सार्वजनिक सुनुवाई कार्यक्रम गरिएको प्रमुख प्रशाशकिय अधिकृत नारायण प्रसाद अधिकारीले बताए ।
सुशासन र जिम्मेवारीता वहन अन्र्तगत गाँउपालिकाको कमी कमजोरीका वारेमा जानकारी लिनका लागी गाँउपालिकाले नागरिक सँग सुझाव र सल्लाह मागेका थिए । गाँउपालिका आफै पनि जनउत्तरदायी हुदाँ हुदाँ पनि अझ परिस्कृत वनाउने प्रयास स्वरुप सार्वजकि सुनुवाई कार्यक्रम गरिएको उनले बताए ।
यसैगरि कार्यक्रममा पालिकाका विषयगत प्रमुखहरुले आफनो क्षेत्रका प्रगती विवरण र जनताको प्रश्नको जवाफ दिएका थिए । गाँउपालिकासँग भए गरेका कामको गुनासो र जवाफ दिने काम भएको थियो ।
