१६ कात्तिक ।
तनहुँमा धेरैको ज्यान लिएको चितुवालाई मार्नको लागी जिल्ला प्रशासन कार्यालय तनहुँले जिल्ला प्रहरी कार्यालयलाई बुधबार आदेश दिएको छ । ब्यास नगरपालिका १२ छिर्केनेमा चितुवाको आक्रमणबाट मंगलवार साँझ एक बालकको मृत्यु भएको थियो ।
मगलवार साँझ ६.३० बजेको समयमा राजु कुँवरका ८ वर्षीय छोरा अभिनव कुँवरलाई चितुवाले आक्रमण गर्दा उनको मृत्यु भएको हो ।
जिल्लाका बन्दीपुर,ब्यास र भानुमा चितुवाले पटक पटक आक्रमण गर्ने गरेको छ । गत एक बर्षमा मात्रै चितुवाको आक्रमणबाट तनहुँमा ५ जनाको ज्यान गएको छ भने आठ जना सख्त घाईते बनेका छन् ।
चितुवाको आक्रमणबाट कार्तिक महिनामा मात्रै दुई बालबालिकाले ज्यान गुमाईसकेका छन् । यसरी मानिस र घरेलु पशु चाैपया माथी निरन्तर अाक्रमण गरिरहने भएकाले त्रसदी पुर्ण वातवरणकाे अन्त गरी जिउ धनकाे सुरक्षाकाे लागि स्थानिय प्रशासन ऐन २०२८ को दफा ९ (४) वमाेजिम नरभक्षी चितुवा मरी डिभिजन वन कार्यालयमा तनहुँमा वुझाउन प्रशासन कार्यालयले प्रहरी कार्यालयलाई अनुरोध समेत गरेकाे छ ।
चितुवाको आक्रमणलाई रोक्न स्थानीय प्रशासन र जिल्ला बन कार्यालयको सहकार्यमा ठाउँ ठाउँमा खोर राख्ने काम भएतापनी सो खोरमा चितुवा पर्ने गरेको छैन ।
