२१ भदाै ।
गृह मन्त्रालयले केही जिल्लाको सि.डि.यो हरुको सरुवा गरेको छ । काठमाडौँका प्रजिअ गोविन्द रिजाल प्रदेश जाने भएसँगै केही समयअघि देखि नै सरुवा मागिरहेका थिए । तत्कालका लागि रिजाललाई गृहको कर्मचारी प्रशासन महाशाखा प्रमुखमा सरूवा भएको छ । ललितपुरमा कास्कीका प्रमुख जिल्ला अधिकारी जयनारायण आचार्य गएका छन् ।
यसैगरी कास्कीमा मन्त्रालयका प्रशासन महाशाखा प्रमुख टेकबहादुर केसीलाई पठाइएको छ । जुम्लाकी प्रजिअ विजया कुमारी प्रसाईँलाई मन्त्रालयमा त्यहाँ मुकेशकुमार केसरीलाइ खटाइएको छ ।
यसै गरी दैलेख जिल्ला प्रशासनको जिम्मेवारी गोगन बहादुर हमाललाई दिइएको छ भने दैलेखका हरि प्याकुरेललाई बाँकेको सहायकमा पठाइएको छ । सूचना विभागको महानिर्देशक रहेका हमाल केही समयअघि गृह मन्त्रालयमा सरुवा भएका थिए ।
बाँकेका सहायक टोपेन्द्र बहादुर के.सी.लाई इलाका प्रशासन कार्यालय सिमरा, पाँचथर सुरेश न्यौपानेलाई मन्त्रालय र पाँचथरमा गणेश गैरेलाई सरुवा गरिएको छ ।
यसैगरी सङ्खुवासभाका प्रजिअ नुरहरी खतिवडालाई सप्तरी जिल्ला प्रशासन कार्यालय, सप्त रीको जनार्दन गौतमलाई उदयपुरको प्रजिअ र उदयपुरका वीरेन्द्र यादवलाई सङ्खुवासभामा सरुवा गरिएको उच्च स्रोतले जानकारी दिएको छ ।
