बिहीबार, भदौ ९, २०७९
पाँच टी-२० र तीन एकदिवसीय खेलका लागि केन्या भ्रमणमा रहेको नेपाली राष्ट्रिय क्रिकेट टोलीले आज घरेलु टोलीसँग पहिलो टी-२० अन्तराष्ट्रियमा खेल खेल्दै छ ।
खेल नेपाली समय अनुसार दिउँसो ३ : ४५ मा केन्याको नैरोबी स्थित जिमखान क्लब ग्राउन्डमा सुरुहुनेछ । केन्या पनि घरेलु मैदान र वातावरणको फाइदा उठाउँदै विजयी सुरुवात गर्न चाहन्छ । विश्व टि२० आई वरियतामा नेपाल १४ औं र केन्या ३० औं स्थानमा छन् । नेपालले टि२० आईमा पहिलो पटक केन्यासँग खेल्न लागेको हो ।
समयमै भिसा नआउँदा प्रमुख तीव्र गतिका बलर सोमपाल कामी र विवेक यादव बुधबारमात्रै केन्यातर्फ प्रस्थान गरेका थिए । लामो यात्राको कारण आज सोमपाल र विवेकलाई नेपालले विश्राम दिनसक्छ । आदिल अन्सारी, साहब आलम र बसिर अहमद आजमात्र त्यसतर्फ जादैछन् । विकेटकिपर अर्जुन साउदले आज नेपाली टोलीमा डेब्यू गर्न सक्छन् । आक्रामक ब्याटिङको क्षमता राख्ने उनलाई नेपालले छैटौं नम्बरमा खेलाउने सम्भावना छ ।
भर्खरै मात्र नेपाली क्रिकेट टोलीको प्रमुख प्रशिक्षक नियुक्त भएका मनोज प्रभाकरको प्रशिक्षणमा नेपाल सुखद सुरुआत गर्न चाहन्छ ।
सन् २०१२ मा यूएईमा भएको सो खेलमा नेपालले केन्यालाई५ विकेटले हराएको थियो । यस्तै, सन् २०१४ मा यूएईमा नै भएको खेलमा केन्याबिरुद्द नेपालले ६ विकेटको जित निकालेको थियो ।
