भदाै – ४ ।
नेपाली कांग्रेसका केन्द्रीय सदस्य गोविन्द भट्टराईले मसिर ४ गते हुने प्रदेश सभा र प्रतिनिधि सभा निर्वाचनमा तनहुँ क्षेत्र नम्बर १ मा उम्मेदवारी दिने घोषणा गरेका छन् ।
आफ्नै वडा व्यास ११ मुलपानीमा शनिवार महिला संघले आयोजना गरेको एक कार्यक्रममा भट्टराइले आफ्नो १ नम्बर क्षेत्रमा कांग्रेसबाट प्रतिनिधिसभाकाे उम्मेदवार हुन चाहेको घोषणा गरे । ‘यो मेराे वार्ड पनि हो । मेले धेरै काम गरेको छु, ‘ उनले भने, ‘यो क्षेत्र विकासको सबै जिम्मा म लिनेछु ।’
देशैभर नयाँ अनुहारले चुनाव जित्ने प्रवृत्ति स्थानीय तह निर्वाचनमा देखिएको भन्दै उनले भने, ‘नयाँ मानिस, ‘नयाँ विचार, योजना र कार्यक्रमको खोजी देशले गरेको छ। देशका महत्वपूर्ण सहरमा स्वतन्त्र विजयी भएका छन् ।
कांग्रेसको झण्डा देशैभर फहराउन पनि नयाँ सोच, कार्यक्रम, योजना र दृष्टिकोण भएकालाई स्थापित गर्नुपर्ने आवश्यकता रहेको बताए ।पुरानालाई समानुपातिकमा अनि नयाँलाई उम्मेदवार बनाएर उनीहरुको संघर्ष, ज्ञान, क्षमता र समर्पण र त्यागलाई व्यवस्थापन गर्नुपर्ने आवश्यकता छ,’ उनले भने ।
उनले नयाँ सोच, विचार, योजना अनि दृष्टिकोण भएकालाई पार्टीले टिकट दिएमा तनहुँका सबै क्षेत्रमा कांग्रेसको झण्डा फहराउन सक्ने भन्दै कांग्रेस जिताउन लाग्नुपर्ने बताए ।
तनहुँ क्षेत्र नम्बर १ मा २०७४ सालको चुनावमा तत्कालीन वाम गठबन्धनका उम्मेदवार कृष्णकुमार श्रेष्ठ (किसान)सँग रामचन्द्र पाैडेल पराजित भएका थिए । कुल खसेको ६७ हजार ८ सय ३ मतमध्ये श्रेष्ठले ३४ हजार ४ सय ९२ मत ल्याएर विजयी भएका थिए । नेता पौडेलले २७ हजार ६ सय ९० मत ल्याउँदा ६ हजार ८ सय २ मतान्तरले श्रेष्ठ विजयी भएका थिए ।
यस क्षेत्रमा नेकपा एमालेबाट अलग भएर माधवकुमार नेपाल नेतृत्वमा एकीकृत समाजवादी पार्टी गठन भएपछि श्रम मन्त्रीसमेत बनेका किसान श्रेष्ठ वरिष्ठ नेता रामचन्द्र पाैडेल केन्द्रीय सदस्य शकर भन्डारी, लगायतकाे दावी छ । वरिष्ठ नेता पाैडेलले प्रदेश सभा र प्रतिनिधि सभा निर्वाचनमा अाफु हारेकाे क्षेत्रबाट चुनाव जितेर मर्ने चाहना रहेको यस अघी बताइसकेका छन् ।
