पोखरा १८ असार ।
जग्गा अधिग्रहण भएको झन्डै ५ दशकसम्म अलपत्र परेको पोखरा बसपार्क निर्माणकाे पहल भएकाे छ । तत्कालै नाला निर्माण र ग्राभेलको काम अघि बढेको हो ।
अहिले जग्गा सम्याउने काम थालिएको पोखरा महानगर मेयर धनराज आचार्यले बताए । आधा भागमा ग्राभेल हालेर सम्याउने काम भएको छ भने पश्चिम भागमा नाला निर्माण गरिएको छ ।
बसपार्कलाई कम्तीमा यो वर्ष धुलो र हिलोमुक्त बनाउने पहल थालेका छौं । नाला निर्माण र ग्राभेलको काम भैरहेको छ,वडा नम्बर ९ का अध्यक्ष दीपेन्द्र मर्सानीले भने, ‘प्रदेश सरकारले र पोखरा महानगरले मिलेर काम सुरु गरिएको हो ।’ नाला निर्माणमा प्रदेश सरकारले सहयोग गरेको छ । मर्सानी र मेयर आचार्यले बसपार्कको निरीक्षण गरेका छन् ।
ग्राभेल सकिएपछि बाँकी रहेका समस्या सुल्झाएर डीपीआर निर्माण गर्ने र सिटी बसपार्कको रूपमा स्थापित गरिने आचार्यले बताए । गत २५ जेठमा एक कार्यक्रमका बीच बसपार्कको नाला निर्माण कार्यको सुरुवात गरिएको थियो ।
बसपार्कको जग्गा पोखरा उपत्यका नगरविकास समितिको स्वामित्वमा छ । १८ फागुन २०३२ मा नेपाल राजपत्रमा सूचना प्रकाशित गरेर बसपार्कका लागि अधिग्रहण गरिएको जग्गामा अहिले सुकुम्बासी भरिएका छन् । समयमा अधिग्रहण गरिएकोदुई सय पाँच रोपनी जग्गामध्ये अहिले ८१ रोपनी मात्रै बाँकी छ । वसपार्क निमार्णा गर्ने विगतका अध्यक्ष हरूकाे मुख्य नारा वन्ने गरेकाे िथयाे । वसपार्कलाइ मुख्य नारा वनाएपनि अव्यवस्थित वसाेवासलाइ व्यवस्थापन गर्नु नै पेचीलाे समस्य वनेकाे थियाे ।
